Gumeystigu intuu nagu handadi gudaha ciideyda

Gaajiyo anoo qaba haraad aan la goloyoobay

Inta gaadhku naga saaranyahay gaaxdo iyo maadhka

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Nimankii galbeedaha kayimid ee nagaday waa fog

Godkey nagu xabaaleen intaan nabad ka gaasaasi

Gudcurkana sidii ugu jiree lay gorgorinaayo

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Inta aan dulmiga garabogiyo gibilka hoos joogno

Gardaradana loo hiilinee garab lsiinaayo

Adduunkuna wakada gaabsanee geeska marinaayo

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Intuu geedanow libaax gowska nagu ruugi

Gownyaha intey nagaga ciyi goosha iyo weerku

Guduudane halaaqiyo intuu dawac nagaadaayo

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Abeeska gurguuranahayee guurta naga dhaadhyi

Gamuunkiyo suntuu nagu midiyo gobo’da waabayda

Inta aan la giriyaadi ee good namidhanaayo

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Gofonuhu intuu dhiiganaga galacsi nuugaayo

Golomaha intey fadhaneyse cuni gamaareydu

Bogona aan ka cadanyoonhaye uu nagani duugu

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Cadoowaha na gaabuun tiree jooga gurigeeyga

Intuu gibirkanaga qaadiyee nala ganaaxaayo

Uu jeelka nagu gurahayee nagu gumaadaayo

Gabowga iyo saqiirkaba intuu gawrac marinaayo

Ee ay gabdhaha boobahaayaan lana gureynaay

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Intuu gaaf dhagoolaha lunsani Godey ka doobyaayo

Eenan goboladeydii wacnaa fooda galineynin

Inta uu sharcigu gumuca yahay nalagu goygooyo

Ee aan gidaan dhabanhayeen cadho la guuxaayo

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Inta aan ka gaabnahay filkay lana iguulaayo

Ee leebku nagu go’ahayee nala gulaalaayo

Intaan goox banaan yuururneen gamandhacoonaayo

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Go’doon iyo intaan madi kunahay dunnidan guudkeeda

Garbaduubna aan uga xidhnahay madasha loo guuray

Inta xadhigu nagu giigsanyahay een galgalaneyno

Ee gaasir nolosheydu tahay gabi ka laalaada

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Intaa aan gaftaashaa qabiyo goodir iyo ciilka

Ee layguhaadaaye’ een gocosho ooyaayo

Golaw iyo sidii fiin intaan gii’da lalinaayo

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Inta aay gogoshanadu duubantahay geedna lagu raari

Ee aanu guureeyn sidii goodirkiyo cowsha

Inta loo guriireyn xornimo shicabku goobaayo

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Gamaankii dagaalkiyo fardaha kooro lagu gaadhye

Guradaanu kaga taaganahay dhoodir gaamuraye

Inta geesiyada noo halgami ay gilgili seefta

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Intaan ganafka taagaaye een gunimo diidi

Galaxibiyo obleydeydi iyo gudin ma soo feysan

Inta aan gantaalaha qarxiyo sidano gaashaanka

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Galadiyo ninkii qaba wanaag ee udhalay geelu

Een gaawihiisii ka jabin godolna maalaaya

Ee gurbood fayoow iyo korsada jiil iswada gaadhay

Iyo anigan goomoon samaha waw gudboonahaye

Shardoon goob kawada toosno oon gorofka aabeysto

Oo gabanadii iga janqaday dhayda lagu gaacsho

Oo giirka aad looga dhayo shicibkan guuhaadsan

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Gacaliyo shardoon helo xigaalkey isgarabtaaga

Oo ay gargaaraan xaqlaha raagtay godobtiisu

Oon guul ku naaloodo oon gaadho lidhinteyda

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadaye

Isla gubo goloomahana jabi oo gunfuro maanta 

Waxaan hadal kusoo gabagabeyn ama ku soo gaabin

Ogaadeenya uu gugu udi’in uunku wada gaadhin

Gobonimana aan qaadaniyo dowladnimo gaara

Oo aan diblada tumanin oon calan ugeeraarin

Geeska afrikow nabadi gudhan aad ku gama’daaye

Gulufkiyo colaadahan horaa loo gudoonsadayeIsla gubo goloomahana jabi oo gunfuro maanta